Müasir üslubda dizayn olunmuş 154 otaq, milli mətbəxin ləziz təamlarını təklif edən restoran və bar, geniş spa mərkəzi, tədbir və iclas zalları, müxtəlif növ digər xidmətləri ilə 5 ulduzlu "Hotel və Konqres Mərkəzi" müasir komfort və milli memarlıq ənənələrinin sintezini özündə birləşdirir.
Rezerv et
Yasəmən Hotel Şuşanın mərkəzində səmimi atmosferi və unikal təcrübəsi ilə sizə evinizdəki kimi hiss edəcəyiniz rahatlıq təqdim edir. Keçmiş Şuşa xan evlərini xatırladan interyer, xüsusi mehriban xidmət və füsunkar təbiəti ilə bu mərkəz sizi valeh edəcək.
Rezerv et
Şuşa, zəngin tarixi, möhtəşəm təbiəti, və mədəni irsi ilə Qarabağın qəlbində yerləşir. Burada qədim abidələri, füsunkar mənzərələri və qonaqpərvərliyi ilə sizi unudulmaz təcrübələrə çağırır.
Şuşanın hər daşında bir tarix yatır. Tarixi məscidlər, qala divarları və məşhur abidələr bu şəhərin möhtəşəm keçmişini əks etdirir. Şuşanın unikal memarlığını kəşf edin və qədim şəhərin ruhunu hiss edin.
Şuşa qalası 1752-ci ildə Qarabağ xanı Pənahəli xan tərəfindən tikilmiş və Qarabağın ən möhtəşəm müdafiə qalalarından biri hesab olunur. Bu tarixi qala, Şuşa şəhərinin qurulmasının əsasını qoymuş və onu xarici təhlükələrdən qorumaq üçün inşa edilmişdir.
Şuşa şəhərinin ən qədim və möhtəşəm dini abidələrindən biri olan Yuxarı Gövhər Ağa Məscidi, XVIII əsrdə Qarabağ xanı İbrahimxəlil xanın qızı Gövhər Ağa tərəfindən inşa etdirilmişdir. Memarı tanınmış Qarabağ memarı Kərbəlayi Səfixan Qarabaği olmuşdur.
Aşağı Gövhər Ağa Məscidi Şuşa şəhərinin tarixi-memarlıq irsinin əhəmiyyətli nümunələrindən biridir. XIX əsrdə Qarabağın görkəmli memarı Kərbəlayi Səfixan Qarabaği tərəfindən inşa edilmiş bu məscid, Şuşanın dini və mədəni həyatında mühüm rol oynamışdır.
Saatlı Məscidi Şuşanın tarixi və memarlıq incilərindən biri hesab olunur. 1883-cü ildə Qarabağın məşhur memarı Kərbəlayi Səfixan Qarabaği tərəfindən inşa edilən bu məscid, şəhərin mühüm dini və mədəni mərkəzlərindən biri olmuşdur. Adını yerləşdiyi Saatlı məhəlləsindən alan məscid, Şuşanın digər tarixi dini abidələri kimi İslam memarlığının özünəməxsus xüsusiyyətlərini daşıyır.
Füsunkar dağ mənzərələri, sərin bulaqlar və yaşıl meşələr – Şuşanın təbiəti sizi öz gözəlliyi ilə valeh edəcək. Cıdır düzü, Mamır Şəlaləsi və İsa Bulağı kimi möhtəşəm məkanlarda unudulmaz anlar yaşayın.
Şuşa şəhərinin ən qədim və möhtəşəm dini abidələrindən biri olan Yuxarı Gövhər Ağa Məscidi, XVIII əsrdə Qarabağ xanı İbrahimxəlil xanın qızı Gövhər Ağa tərəfindən inşa etdirilmişdir. Memarı tanınmış Qarabağ memarı Kərbəlayi Səfixan Qarabaği olmuşdur.
Şuşanın füsunkar təbiətinin ayrılmaz bir hissəsi olan İsa Bulağı, saf və təravətli suyuyla məşhurdur. Şəhərin cənubunda, dağların qoynunda yerləşən bu bulaq əsrlər boyu yerli sakinlərin və ziyarətçilərin istirahət məkanı olmuşdur. İsa Bulağı təkcə təbii su mənbəyi deyil, həm də Qarabağın zəngin tarixi və mədəni irsini əks etdirən bir simvoldur.
Şuşanın ən gözəl və tarixi bağlarından biri olan Güllü Bağ əsrlər boyu şəhərin sakinləri və qonaqları üçün unikal istirahət məkanı olub. Tarixi mənbələrə görə, bu bağ Şuşanın klassik bağçılıq sənətinin ən gözəl nümunələrindən biridir və burada müxtəlif nadir gül və ağac növləri yetişdirilib.
Cıdır Düzü – Qarabağın və Azərbaycanın ən möhtəşəm və tarixi ərazilərindən biridir. Şuşa şəhərinin cənub hissəsində, Daşaltı dərəsinin üstündə yerləşən bu geniş düzənlik, əsrarəngiz mənzərəsi və tarixi əhəmiyyəti ilə seçilir. Cıdır Düzü, həm təbii gözəlliyi, həm də mədəni və idman tədbirlərinin keçirildiyi simvolik bir məkan kimi tanınır.
Şuşa tarixin, mədəniyyətin və incəsənətin vəhdət tapdığı bir şəhərdir. Burada yerləşən muzeylər Qarabağın zəngin irsini yaşadan nadir məkanlardır. Tarixi eksponatlar, milli musiqi və sənət nümunələri ilə tanış olmaq üçün indi yolunuzu Şuşadan salın.
Şuşa Xalça Muzeyi Azərbaycanın qədim xalçaçılıq sənətinin ən parlaq nümunələrini qoruyub saxlayan və təqdim edən unikal məkanlardan biridir. Qarabağ xalça məktəbinin mərkəzlərindən biri olan Şuşada yerləşən bu muzey həm yerli, həm də xarici turistlər üçün maraqlı bir mədəni dayanacaqdır.
Üzeyir Hacıbəylinin Ev-Muzeyi Azərbaycanın dahi bəstəkarı, Şərqdə ilk operanın müəllifi və milli musiqimizin banisi Üzeyir Hacıbəylinin doğulub böyüdüyü evdə yerləşir. Muzey 1959-cu ildə açılmış və illər ərzində yüzlərlə sənətsevərin ziyarət məkanına çevrilmişdir.
Bülbülün Ev Muzeyi Azərbaycan musiqisinin görkəmli nümayəndəsi, xalq artisti, opera müğənnisi və musiqi tədqiqatçısı Bülbülün (Murtuza Məşədi Rza oğlu Məmmədov) doğulduğu və uşaqlıq illərini keçirdiyi evdə yerləşir. Şuşa şəhərinin mərkəzində yerləşən bu muzey Azərbaycan musiqi mədəniyyətinin inkişafında Bülbülün əvəzsiz rolunu əks etdirir.
Şuşanın tarixi irsini özündə əks etdirən Mehmandarovlar Ev Muzeyi, XVIII əsrin sonlarında inşa edilmiş və Azərbaycanın görkəmli zadəgan ailələrindən biri olan Mehmandarovlar nəslinə məxsus olmuşdur. Bu tarixi kompleks, böyük və kiçik yaşayış binaları, ailə məscidi və bulaqdan ibarətdir və Qarabağ memarlığının nadir nümunələrindən biridir.
Şuşa hər il möhtəşəm tədbirlərə ev sahibliyi edərək mədəniyyət və incəsənətin mərkəzinə çevrilir. Musiqidən poeziyaya, bayram tədbirlərindən festivallara qədər bir çox maraqlı tədbirlər burada keçirilir.
XVIII əsr Azərbaycan poeziyasının görkəmli nümayəndəsi Molla Pənah Vaqifin xatirəsinə həsr olunan Vaqif Poeziya Günləri Şuşanın ən əlamətdar tədbirlərindən biridir. Şair və yazıçıların iştirak etdiyi bu tədbirdə poeziya gecələri, musiqi və teatr tamaşaları keçirilir.
Tədbirin keçirilmə vaxtdı: Hər il iyul ayı günləri
Xarıbülbül Festivalı Şuşada keçirilən ən mötəbər musiqi tədbirlərindən biridir. 1989-cu ildən etibarən təşkil olunan festival, Qarabağın musiqi irsini dünyaya tanıtmaq məqsədi daşıyır. Burada yerli və beynəlxalq sənətçilər müxtəlif musiqi janrlarında çıxış edərək mədəniyyətlərin qovuşmasına töhfə verirlər.
Tədbirin keçirilmə vaxtdı: Hər il may ayı günləri
Şuşa hər zaman musiqinin beşiyi olub və caz musiqisi də burada özünəməxsus yer tutur. Şuşada Caz Günləri festivalı yerli və beynəlxalq caz ifaçılarını bir araya gətirir. Bu tədbir Şuşanın dinamik və müasir musiqi ənənəsini yaşatmağı hədəfləyir.
Tədbirin keçirilmə vaxtdı: Hər il iyul ayı günləri